اور وعظ کرتے ہیں۔ اولئک علی ھدی من ربہم و اولئک ھم المفلحون (البقرۃ : ۶) فرمایا: اس سے بظاہر مولوی صاحب کی صحت کی طرف اشارہ معلوم ہوتا ہے۔ واﷲ اعلم۔ فرمایا: یہ مرض مہلک ہے اور آثار مرض بھی خطرناک ہیں، لیکن دعا بہت کی گئی ہے۔ سب کچھ اﷲ تعالیا کے ہاتھ میں ہے۔ جب وہ چاہتا ہے ایک تنکے سے شفا ہو جاتی ہے اور جب وہ نہیں چاہتا لاکھ دوائی بے سود ہے۔ ہم سب کے واسطے دعا کرتے ہیں میاں نبی بخش صاحب نے عرض کی کہ ایک ہندو نے مجھے تاکید کی تھی کہ میرے واسطے حضرت سے دعا کرائیں۔ فرمایا : ہندو یا کسی اور مذہب کا آدمی جو دعا کے واسطے درخواست کرے ہم سب کے واسطے دعا کرتے ہیں۔ ذکر آیا کہ ایک شخص نے اپنے بیٹے کا نام استغفراﷲ رکھا ہے۔ فرمایا : اچھا ہے جتنی دفعہ اس کو بلائے گا خدا تعالیٰ سے استغفار کرتا رہے گا۔ قریب رہنے والے ہمیشہ نشانات دیکھتے رہتے ہیں مولوی نور الدین صاحب کے صاحبزادہ عبد الحی کا ذکر تھا کہ اس کے متعلق پہلے سے خبر دی تھی۔ فرمایا:۔ اجنبی دشمن اور دور رہنے والا کیا حاصل کر سکتا ہے جو لوگ قریب رہتے ہیں وہ ہمیشہ نشانات دیکھتے رہتے ہیں۔ پاس رہنے والے تو آپ بیتی کے نشان بھی دیک لیتے ہیں۔ ان کید کن عظیم صبح ایک دوست نے عرض کی کہ میرے گھر سے خبر آئی ہے کہ تمہارا لڑکا سخت بیمار ہے۔ جلد آئو مگر بیماری کی تفصیل نہیں لکھی۔ حضور دعا فاماویں فرمایا : میں دعا کروں گا۔ لیکن بعض دفعہ عورتیں صرف بلانے کے واسطے بھی ایسا لکھ دیا کرتی ہیں۔ چنانچہ