یحمدک اللہ ۲؎ یعنی خدا تیری تعریف کرتا ہے ۔ جھوٹ ایسی شئے ہے کہ آخر ایک دن آکر انسان اس سے تھک جاتا ہے ۔پھر اگر اللہ تعالیٰ توفیق دے تو تَوبہ کرتا ہے ورنہ اسی طرح نامراد مرجاتا ہے۔ (بوقتِ ظہر ) پتھری کے اخراج کا نسخہ تھوڑی دیر مجلس کی ۔بعض وقت مثانہ سے جو کنکر وغیرہ تکلیف دیکر نکلتے ہیں اُن کی نسبت فرمایا کہ نرلسبی ۳ رتی اور وائنم اپی کاک کا استعمال اس کے واسطے نہایت مفید ہے اور چاول وغیرہ لیسدار اشیاء کا استعمال نہ کرنا چاہیئے ۔یہی لیس منجمد ہو کر کنکر بن جاتی ہے ۔ پھر فرمایاکہ میرے والد صاحب کو بھی یہ مرض رہی ہے وہ مصبر کی گولیاں استعمال کیا کرتے تھے ۔بہت مفید ہیں اس میں مصبر ۔سہاگہ ۔بذرالبنج ۔فلفل وغیرہ ادویہ ہوتی ہیں ۔ (بوقت عصر) ایک خط کے ذریعہ خبر ملی کہ جہلم میں اب پھر کرم دین کا ارادہ مقدمہ کا ہے اور وہ نگرانی کرنا چاہتا ہے۔حضرت اقدس نے فرمایاکہ گبھرانا نہ چاہیئے یہ تو خدا کے عجائبات ہیں ؎ ہر بلا کیں قوم راحق دادہ است زیر آں گنج کرم بنہادہ است فرمایا:۔ صبح کو ایک الہام ہوا تھا میرا ارادہ ہوا کہ لکھ لوں ۔پھر حا فظ پر بھروسا کرکے نہ لکھا ۔آخر وہ ایسا بھولا کہ ہر چند یاد کیا مچلق یاد نہ آیا ۔دراصل یہی بات ہے ۔ ما نسخ من ایۃ او ننسھا نات بخیر منھا (سورۃ البقرہ :۱۰۷) (مجلس قبل از عشائ) جہلم سے مقدمہ کی نقل منگوائی گئی تھی ۔ حضرت اقدس سُنتے رہے ۔کسی نے کہا کہ اس پر ہم نالش