امام الزمان علیہ السلام کی خلاف ورزی سے بچنا چاہئے کیونکہ یہ عذاب مخالفین کے لئے ہلاکت اور ہمارے لئے تنبیہ اور عبرت ہے۔ سو ہر ایک بھائی کو چاہئے کہ دوسروں کے نظارہ سے اپنے لئے عبرت حاصل کرے (فاعتبروا یا اولی الابصار) اور اس عذاب سے بچنے کی کوشش میں لگا رہے۔ کیونکہ یہ بات مجھ پر کھولی گئی ہے کہ ہماری جماعت میں کا کوئی مخلص بھائی اس بیماری سے ہلاک نہ ہوگا مگر وہی جو منافقانہ زندگی بسر کرتا ہے۔ اس لئے ہماری جماعت میں سے جو شخص اس بلا کے مؤاخذاہ میںآجائے تو جان لیناچاہئے۱؂ کہ اس کی ایمانی اور عملی حالت اچھی نہ تھی جس کی سزا اُس کو دی گئی ہے کیونکہ خدا تعالیٰ اپنے مخلص مومنوں کو مخالفین کے عذاب میں شامل نہیں کرتا۔ 3333۲؂ اس لئے ہر ایک مومن کو ڈرنا چاہئے کہ کسی قسم کی مخالفت کے باعث عذاب الٰہی کے اس بلا میں مبتلاؔ ہو کر فاسقوں میں شامل ہونا نہ پڑے۔ علاوہ اس کے مَیں اپنے عالی ہمت بھائیوں کی خدمت میں اس قدر زیادہ عرض پر داز ہوں کہ جن احباب کے پاس یہ اشتہار پہنچے وہ اپنے ہادی و مولا امام برحق علیہ الصلوٰۃ والسلام کی تائید و بنی نوع انسان کی ہمدردی کا حق ادا کرنے کے لئے دل و جان سے اس کی اشاعت میں سعی فرماویں۔ اور اگر ہو سکے تو اپنے اپنے شہر کی جماعت کے چندہ سے اس کو مکررطبع کراکر دیہات و قصبہ جات میں بھی ارسال کریں۔ کیونکہ ضدّی اور متعصّب لوگوں کو چھوڑ کر باقی سادہ لوح خلقت محض بے علمی و غفلت کی حالت میں اس عذاب الٰہی کا شکار ہو رہی ہے اس لئے ہماری جماعت کا فرض ہے کہ اس وقت بندگانِ خدا کو راہِ راست کی طرف تحریک کرنے اور اس مہلک عذاب سے بچانے کے لئے کوشش کرے تا کہ اس مقدس جماعت کا وجود دنیا کی بہبودی اور صلاحیّت کے لئے مفید ثابت ہو اور خدا تعالیٰ کے نزدیک اجرِ عظیم پانے کے مستحق ٹھہریں و باللہ التوفیق۔ زیادہ والسلام المشتھر خاکسار چراغ الدین احمدی ازجموں ۹؍فروری ۱۹۰۲ء ۱؂ (شھدوا علٰی انفسھم انھم کانوا کافرین)-الانعام: